[68] สปฺปีติกํ กุสลํ ธมฺมํ ปฏิจฺจ นสปฺปีติโก นกุสโล ธมฺโม อุปฺปชฺชติ เหตุปจฺจยาฯ อปฺปีติกํ กุสลํ ธมฺมํ ปฏิจฺจ นสปฺปีติโก นกุสโล ธมฺโม อุปฺปชฺชติ เหตุปจฺจยาฯ สปฺปีติกํ กุสลญฺจ อปฺปีติกํ กุสลญฺจ ธมฺมํ ปฏิจฺจ นสปฺปีติโก นกุสโล ธมฺโม อุปฺปชฺชติ เหตุปจฺจยาฯ เหตุยา ตีณิฯ

สปฺปีติกํ อกุสลํ ธมฺมํ ปฏิจฺจ นสปฺปีติโก นอกุสโล ธมฺโม อุปฺปชฺชติ เหตุปจฺจยาฯ อปฺปีติกํ อกุสลํ ธมฺมํ ปฏิจฺจ นสปฺปีติโก นอกุสโล ธมฺโม อุปฺปชฺชติ เหตุปจฺจยาฯ สปฺปีติกํ อกุสลญฺจ อปฺปีติกํ อกุสลญฺจ ธมฺมํ ปฏิจฺจ นสปฺปีติโก อกุสโล ธมฺโม อุปฺปชฺชติ เหตุปจฺจยาฯ เหตุยา ตีณิฯ (อพฺยากตมูลํ ตีณิเยวฯ)

90-1. ปีติสหคตทุก-กุสลตฺติกํ

[69] ปีติสหคตํ กุสลํ ธมฺมํ ปฏิจฺจ นปีติสหคโต นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

ปีติสหคตํ อกุสลํ ธมฺมํ ปฏิจฺจ นปีติสหคโต นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ (อพฺยากตมูลํ ตีณิเยวฯ)

91-1. สุขสหคตทุก-กุสลตฺติกํ

[70] สุขสหคตํ กุสลํ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยาฯ นสุขสหคตํ กุสลํ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยาฯ สุขสหคตํ กุสลญฺจ นสุขสหคตํ กุสลญฺจ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยาฯ เหตุยา ตีณิฯ

สุขสหคตํ อกุสลํ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยาฯ นสุขสหคตํ อกุสลํ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยา ฯ สุขสหคตํ อกุสลญฺจ นสุขสหคตํ อกุสลญฺจ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยาฯ เหตุยา ตีณิฯ (อพฺยากตมูลํ ตีณิเยวฯ)

92-1. อุเปกฺขาสหคตทุก-กุสลตฺติกํ